Siglir tar il cuntegn
Inhalt

Svizra Lingia da viafier tranter Turitg e Minca vegn schlargiada

Il viadi cun tren da Turitg a Minca duai en l'avegnir be anc cuzzar trais uras e mez.

Persunas che fan l'emprima badigliada simbolica.
Legenda: Emprima badigliada per schlargiar la lingia da viafier tranter Turitg a Minca. MAD

Cun l'emprima badigliada han cumenzà il venderdi las lavurs per electrifitgar e schlargiar il traject da tren tranter Geltendorf e Lindau. Quai communitgeschan las Viafiers federalas svizras.

Cun l'electrificaziun e la tecnica da trens pendulins cumenza per la lingia da viafier tranter Turitg e Minca ina nova èra: Sin il traject cun bleras stortas tranter Geltendorf e Memmingen fin a Lindau pon ils trens davent da la fin dal 2020 charrar cun bunamain la dubla sveltezza. Il temp da viadi da Turitg a Minca sa reducescha uschia per fin in'ura sin totalmain anc trais uras e mesa. Sin lura offrescha la SBB mintgadi 6 trens en mintga direcziun sin quest traject – quai cun il pendulin Astoro (ETR 610).

RR novitads 15:00