Siglir tar il cuntegn
cuntegn

Svizra Lingia da tren Cuira – Turitg interrutta parzialmain

Tranter Horgen ed Au è in camiun collidà oz avantmezdi cun in tren. La lingia da tren tranter Turitg e Cuira resta anc serrada tranter Au e Horgen enfin las 21:00. Ils trens vegnan sviads ed ins sto far quint cun retard.

Camiun donnegià sper ils binaris.
Legenda: Accident tranter in camiun ed in tren tranter Horgen ed Au ZH. KAPO Turitg
Camiun donnegià, harrassas da bavrondas sin via.
Legenda: Lingia da tren serrada tranter Turitg e Cuira. KAPO Turitg

Ord raschuns anc betg scleridas è in manischunz restà ferm sin in binari tranter las barrieras cun ses camiun. El e ses cunautist han savì bandunar il camiun avant ch’il tren è cupitgà en quel. Omadus han gì in schoc ed èn vegnids ospitalisads per segirtad.

Il camiun aveva chargià harassas da bavrondas ed è vegnì donnegià fermamain tras la collisiun. Medemamain hai dà in donn vi dal tren. Il locomotivist ed ils passagiers èn restads senza blessuras.

Lingia da tren interutta fin las 21:00

Tge che ha manà a l’accident n’è anc betg sclerì. La Polizia chantunala da Turitg, il post d’examinaziun da segirtad svizra (SUST) e la procura publica da Limmattal/Albis intercureschan l’accident.

Sco la SBB ha comunitgà resta la lingia tranter Au e Horgen anc serrada fin enturn las 21:00 la saira. Trens crodan ora u vegnan sviads. Ins sto far quint cun retard. Pertutgadas èn tant las lingias da la S-Bahn sco era trens regiunals ed internaziunals.

RR novitads 20:00