Siglir tar il cuntegn
Inhalt

Svizra Limitas per pajas da schefs

Il Cussegl naziunal vul limitar las pajas da schefs d'interpresas ch'èn colliadas a la Confederaziun sin in mez milliun francs l'onn. El ha approvà ina moziun correspundenta.

Andreas Meyer CEO SBB.
Legenda: Per exempel duai il CEO da l'SBB Andreas Meyer betg gudagnar dapli ch'il Cusseglier federal. Keystone

La moziun da Corado Pardini (PS/BE) pretenda che tut las interpresas, nua che la Confederaziun è acziunaria principala, limiteschian la paja maximala sin 500'000 francs. La paja da referenza è la paja d’in Cusseglier federal. La fatschenta va uss en il Cussegl dals chantuns.

Il Cussegl federal era cunter moziun

Il minister da finanzas Ueli Maurer è sa defendì senza success cunter la moziun. Ina limita da paja saja ina memia gronda intervenziun en il manaschi da fatschenta. Fin uss haja il Cussegl federal desistì d'introducir ina tala limita per il cader.

RR novitads 12:00