Limitar las pajas – la discussiun na tschessa betg

Il suveran svizzer ha bain refusà l'iniziativa "Pro Service Public". La discussiun davart las pajas dals schefs d'interpresas che stattan datiers a la Confederaziun cuntinuescha però.

Bancnotas da 50.

Legenda da maletgs: Las pajas d’interpresas naziunalas fatschentan era vinavant la politica svizra Keystone

Cun ina moziun pretenda il cusseglier naziunal da la PS, Corrado Pardini, ina paja maximala d’in mez milliun francs per ils managers da la Posta, da la Swisscom e da l'SBB.

Ed er il president dals cristiandemocrats Gerhard Pfister vesa questa discussiun sco urgentamain necessaria. E schizunt tar ils liberaldemocrats chatta la pretensiun da pajas maximalas ureglias avertas. La moziun da la PS na vulan els però betg sustegnair.

RR Novitads 06:00