Siglir tar il cuntegn
cuntegn

Svizra Levrat vul restar president da la PS Svizra fin il 2019

Ils socialdemocrats mantegnan fatschas usitadas a lur testa: Il president da partida Christain Levrat vul il december danovamain candidar per il presidi a la radunanza da delegads. Er il schef da fracziun Roger Nordmann ed las duas secretarias generalas candideschan puspè.

La PS preferescha stabilitad al timus da la partida: Il president Christian Levrat, il schef da fracziun Roger Nordmann ed las secretarias generalas Leyla Gül e Flavia Wasserfallen vulan restar en uffizi fin las elecziuns dal 2019.

Cun excepziun dal president da la Juso Fabian Molina vulan tuts nov commembers da la testa da la PS salvar lur posts fin la fin da la legislatura actuala.

Tweet da la PS areguard la strategia fin il 2019

Il cusseglier dals chantuns (45) dal Friburg è dapi l’emprim da mars 2008 president da la PS. Da lez temp era el stà il sulet candidat sco successur da Hans-Jürg Fehr.

Tut las autras grondas partidas han novs manaders: La PPS (Albert Rösti/BE), la PLD (Petra Gössi/SZ) e la PCD (Gerhard Pfister/ZG) ha pir dacurt ina nova persuna a la testa.

RR novitads 16:00