I saja da ponderar sche la Svizra veglia renconuscher l'islam sco religiun uffiziala, ha ditg il president da la PS Christian Levrat. Uschia fiss la scolaziun e finanziaziun dals imams betg mo en mauns esters, e forsa fundamentalistics. La dumonda d’in islam svizzer saja da tschentar.
Chaussa dals chantuns
Agir stoppian dentant ils chantuns, la relaziun dal stadi cun las religiuns saja lur cumpetenza. Els duain ponderar a moda seriusa davart la posiziun da l’islam, e forsa davart renconuscher questa religiun. La finala pudess questa debatta manar ad in artitgel da religiun, ha ditg Christian Levrat a la «SonntagsZeitung».
Discutar davart fundamentalissem
La fin fanadur aveva gia il president da la PCD, Gerhard Pfister, pretais da discutar davart il stadi da dretg ed il fundamentalissem. Forsa dovria puspè ina discussiun davart in artitgel da religiun en la constituziun, aveva Pfister ditg. In tal artitgel pudess definir, tge valurs che valan per tuts e che n’èn betg negoziablas.
RR novitads 06:00