Il Cussegl naziunal è cunter in nov reschim da taglia per federaziuns da sport internaziunalas. El ha refusà ina petiziun dals Giuvens socialists che leva abolir il levgiament da taglia per la FIFA, la Federaziun internaziunala da ballape.
Tenor ils giuvens socialists na dettia quai nagina raschun da tractar la FIFA tuttina sco per exempel in club da jodlar. Els han perquai pretendì dal Cussegl federal ina proposta da lescha cun la quala federaziuns da sport vegnan suttamessas endretg a la taglia per lur activitads commerzialas.
