Siglir tar il cuntegn
cuntegn

Svizra Lev augment dals custs per agid social

Las expensas per l'agid social èn s'augmentadas l'onn 2015 per 2,1% sin 2,6 milliardas francs.

Persuna tar in spurtegl.
Legenda: Il 2015 han dapli persunas surevgnì agid social. Keystone

Sco quai che l'Uffizi federal da statistica communitgescha, saja quai in pli pitschen augment che l'onn 2014. Lura sajan las expensas numnadamain s’augmentadas per 5,5%.

L'augment è da declerar cun dapli persunas che survegnan agid social. Il dumber da persunas ch'han survegnì agid social è s'augmentà per 1,4%. En media ha mintga persuna che retschaiva agid social survegnì 9'854 francs ad onn – in augment da 0,7% cumpareglià cun il 2014.

Vid las expensas totalas da las prestaziuns socialas da 157 milliardas francs ha l'agid social ina cumpart da gnanc 1,6%.

RR novitads 10:00