Siglir tar il cuntegn
cuntegn

Svizra Lev augment d'agid finanzial per unfrendas da delicts penals

Unfrendas da delicts penals en Svizra han survegnì l'onn passà indemnisaziuns da 6,3 miliuns.

Purtret d'in uffant che survegn ina schleppa enturn las ureglias.
Legenda: Quest onn hai da dapli indemnisaziuns per unfrendas da delicts penals. Keystone

Indemnisaziuns da 6,3 milliuns francs han unfrendas da delicts penals en Svizra survegnì l'onn passà. Quai è in augment da 3,7%. Da las 1340 dumondas han ils posts chantunals approvà radund la mesadad u 700 cas, quai communitgescha l'uffizi federal da statistica. 3,6 milliuns francs èn ids a dunnas e 2,7 milliuns francs ad umens. Dus terzs da las prestaziuns èn ids ad unfrendas da delicts da mazzament u da blessuras corporalas. In quart han survegnì unfrendas da delicts sexuals.

Tut en tut han ils centers per agid d'unfrendas fatg 35'189 cussegliaziuns il 2016. Quai è in augment da 4%. Dapi l'onn 2001 èn las cussegliaziun s'augmentadas per dus terzs.

RR novitads 12:00