Siglir tar il cuntegn
Inhalt

Svizra Leuthard fa reclama per il sistem d’energia svizzer

La presidenta da la Confederaziun Doris Leuthard ha visità l'Expo 2017 en il Kasachstan. Quella stat sut il motto «Energia dal futur».

Doris Leuthard
Legenda: Doris Leuthard discurra davart il sistem d'energia en Svizra. Keystone

A chaschun dal di deditgà a la Svizra ha Leuthard ditg, che svilups tecnologics e decisiuns politicas effectueschian midadas fundamentalas sin il sectur da l'energia. I vegnia adina pli impurtant da colliar finamiras economicas ed ecologicas.

La Svizra resguardia omadus aspects tar la transfurmaziun dal sistem d'energia. Il pajais protegia l’ambient ed il clima cun reducir la dependenza da l’energia fossila e sa concentrar sin tecnologias effizientas, ha declerà la presidenta da la Confederaziun.

Svizra fa sin «Flower Power»

La Svizra è represchentada en il Kasachstan cun il pavigliun «Flower Power». Là sa deditgeschan quatter chasas tematicas als temas effizienza d’energia, energias regenerablas e management global da l’aua. Quai cun in’exposiziun interactiva.

RR novitads 18:00