Lescha da «to-big-to-fail» na tanscha betg per FINMA

La lescha per las bancas grondas en Svizra l’uschenumnada lescha da «to big to fail» na tanscha betg ord vista dal schef da la FINMA Mark Branson. Anc avant che las novas reglas èn realisadas pretenda el che quellas vegnian rinforzadas.

Il schef da la Surveglianza federala dals martgads da finanzas (FINMA), Mark Branson.

Legenda da maletgs: Il schef da la Surveglianza federala dals martgads da finanzas (FINMA), Mark Branson. Keystone

Ins saja bain sin buna via, tuttina dettia quai anc in baintant da far, uschia Branson envers differentas gasettas svizras. Adattaziuns sajan cunzunt necessarias quai che pertutga las pretensiuns da chapital.

Tar la bancas ch'èn classifitgadas sco «to big to fail» u relevantas per il sistem tutgan la UBS, la Credit Suisse, la Banca Chantunala Turitgaisa (ZKB), la Raiffaisen e da nov er la Postfinance.