La nova lescha da gieus vegn avant il pievel. Il referendum è reussì formalmain. Sco quai che la Chanzlia federala communitgescha sajan valaivlas passa 60'700 da las 60'900 suttascripziuns inoltradas.
Cun il referendum sa dosta il comité surtut encunter las limitaziuns en la rait. Cun la nova lescha èn casinos online da l'exteriur numnadamain bloccads en Svizra.
Il parlament a Berna aveva decis l'atun passà che be casinos svizzers pon offrir lur gieus online. Ils 18 da schaner 2017 avevan pliras partidas giuvnas lura inoltrà il referendum cunter la decisiun dal parlament.
