Siglir tar il cuntegn

Header

Telefonin cun in gieu da poker.
Legenda: Tgi duai dastgar offrir en Svizra gieus per daners en l'internet? Ils 10 da zercladur decida la populaziun svizra a l'urna. RTR, Adrian Camartin
cuntegn

Svizra Lescha da gieus per daners – pro e contra

La debatta davart la lescha da gieus per daners na sa concentrescha betg be sin roulette, poker u lotto. En il center da las discussiuns èn ils gieus per daners en l'internet e la dumonda tgi che duai offrir quels en il futur. Nus decidain ils 10 da zercladur.

Lescha da gieus per daners

Pro
Contra
La lescha rinforza la protecziun cunter la dependenza dal gieu. Betg be casinos, mabain er societads da lottarias ston excluder persunas dal manaschi da gieus, sche quellas èn dependentas dal gieu.
La lescha na protegia betg avunda ils giugaders da daventar dependents dal gieu. Il parlament ed ils casinos han refusà las pretensiuns centralas dad ina taxa da prevenziun ed ina cumissiun consultativa speziala.
La lescha stgaffescha claras reglas per gieus per daners en l'internet. L'access a paginas cun gieus per daners illegalas en l'exteriur vegn bloccà.
La lescha porscha la basa legala per bloccar paginas internet betg giavischadas. Talas bloccadas da l'internet èn ina greva intervenziun en la libertad economica ed en la libertad d'infurmaziun.
La lescha stgaffescha la basa legala per persequitar la manipulaziun da scumessas da sport e la lavada da daners.
La lescha vul conceder als casinos indigens in monopol sin purschidas d'internet. La concurrenza nungiavischada duai vegnir exclusa dal martgà.

Tge vul la lescha?

Avrir la boxSerrar la box

La lescha nova sa basa sin la cuntraproposta a l’iniziativa dal pievel «Per gieus per daners en servetsch dal bainstar public» ch’il suveran ha acceptà il 2012. La lescha prevesa ch'era offriders da gieus per daners en l’internet ston pajar taxas e garantir ina protecziun suffizienta dals giugaders.

Ina part centrala da la lescha è che offriders da l’exteriur na duain betg dastgar porscher gieus per daners en l’internet en Svizra. Las paginas en l’exteriur duain vegnir bloccadas. In’ulteriura midada prevesa che gudogns d'enfin ina milliun francs èn deliberads da la taglia. Plinavant vegn stgaffida la basa legala per pudair persequitar la manipulaziun da scumessas da sport.

audio
Bunura: Pro e contra l'iniziativa per il daner cumplain
ord Actualitad dals 03.05.2018.
laschar ir. Durada: 3 minutas 52 Secundas.

RR actualitad 11:00

Artitgels legids il pli savens