Siglir tar il cuntegn

Svizra Lescha d'energia entra en vigur il 2018

Davent dal 1. da schaner 2018 valan novas reglas per la promoziun d'energias regenerablas.

In prà cun implants solars e davos tiers al horizont mulins da vent.
Legenda: Davent dal 2018 vegnan las energias regenerablas promovidas dapli. Keystone

Il Cussegl federal ha decidì da metter en vigur la lescha d'energia il 1. da schaner 2018. En quai connex ha il Cussegl federal era approvà ina retscha d'ordinaziuns ch'èn necessarias per la realisaziun da la lescha. Ils 21 da mars ha il suveran svizzer vuschà cun 58% per la midada da lescha tar la strategia d'energia 2050.

La lescha d'energia vul promover da spargnar energia, sustegnair l'energia regenerabla e sortir successivamain da l'energia atomara. En l'avegnir na vegni uschia pli ad esser pussaivel da construir novas ovras atomaras. Las veglias ovras duain però vegnir mantegnidas uschè ditg ch'ellas èn segiras. Per in tschert temp vegnan las grondas ovras idraulicas sustegnidas finanzialmain.

RR novitads 12:00