Siglir tar il cuntegn

Header

cuntegn

Svizra Léon Huber è mort

L'anteriur moderatur da la «Tagesschau» è mort suenter lunga malsogna. Huber aveva 79 onns.

Léon Huber è mort ils 27 da november en consequenza da sia lunga malsogna dals gnirunchels e suenter ina crudada cun ruttadiras da costas. Quai haja in bun ami da Huber confermà envers «G&G» da SRF. Huber è vegnì sepulì en in fitg stretg ravugl da sia famiglia ils 3 da december sin in santeri a Turitg.

In giuven Huber en il studio da televisiun.
Legenda: In giuven Huber en il studio da televisiun. Keystone

L’um da la mimica decenta

Pervi da sia popularitad vegniva Huber era savens numnà «Mister Tagesschau». A partir dal 1963 fin a sia pensiun il 1996 ha Huber moderà la «Tagesschau» da la Televisiun Svizra. L’actur da professiun era enconuschent per sia mimica minimala, per sia moda ruassaivla e si’articulaziun perfetga.

La lètg turbulenta d’il star da televisiun

Léon Huber lascha enavos ina figlia. Cun sia dunna Verena ha el vivì dapli che 30 onns en ina lètg turbulenta. Las crisas d’amur èn savens vegnidas regladas en la pressa da boulevard. Medemamain temas publics eran las depressiuns e la solitariadad da Huber en la vegliadetgna.

Artitgels legids il pli savens