Il lavurers da construcziun pretendan 150 francs dapli paja il mais – quai per quest e l’auter onn. Plinavant vulan els ina contribuziun vid las premias da la cassa da malsauns ed ina adattaziun dal supplement sur mezdi.
Sco ils sindicats Unia e Syna annunzian, hajan en tut radund 5’500 lavurers fatg part a las manifestaziuns ad Olten e Losanna. Suenter in cortegi en la citad dad Olten cun radund 2’500 demonstrants sajan quels anc sa rimnads per ina manifestaziun finala. Divers lavurers da construcziun èn sa dumandads en lur pleds sche buna lavur vegnia betg preziada pli fitg.
RR novitads 17:00