La fin da settember ha la Svizra dumbrà 314'000 cunfinaris, persunas estras che vegnan a lavurar en Svizra. Cumpareglià cun il segund quartal è quai in mez pertschient dapli, quai fa a savair l'Uffizi federal da statistica. Bunamain la mesadad dals cunfinaris lavuran en la Regiun dal Lac Léman ed ils blers derivan da la Frantscha. Dapi l'onn 2002 è il dumber da cunfinaris da la Frantscha sa dublegià. La Svizra Orientala ha nudà la fin da settember radund 25'000 cunfinaris.
RR novitads 12:00