Siglir tar il cuntegn
cuntegn

Svizra Lavurants da segirezza malcuntents

Dus terz dals lavurants en la branscha da segirezza privata n'èn betg cuntents cun lur cundiziuns da lavurar.

Emploiads da segirtad.
Legenda: Per 98% è la paja memia bassa. Keystone

65% dals lavurants en la branscha da segirezza privata èn malcuntents cun lur situaziun da lavur. Cunzunt la paja para tenor la retschertga dal sindicat Unia dad esser in problem. Cun ina paja da 22,20 francs l'ura – senza 13avla paja – restia la segirtad precara, scriva l'Unia. Quai cunzunt per quels che na lavuran mo parzialmain.

Ma er cun las uras da lavur n'èn ils lavurants betg cuntents. Lavur da notg saja fitg usitada e chaschunia problems da sanadad e problems socials tar ils pertutgads. 86% dals dumandads pretendan perquai ch'els vegnian remunerads meglier per lavur da notg. Plinavant cumbattan ils lavurants cun midadas da plan a curta vista, cun dis da lavurar memia lungs e cun ina mancanza da furmaziun.

Retschertga stat en connex cun las contractivas dal CCL

L'inquista da l'Unia stat en connex cun la renovaziun dal contract collectiv da lavur, che scroda mez 2019. Las contractivas cumenzan la fin dal 2018.

Per la tschertga da il sindicat dumandà 600 persunas.

RR novitads 17:00