Al Pass dal Klausen en il chantun Uri è ida a val ina lavina. La dumengia da Tschuncaisma a las 14:00 èn dus autos che vegnivan nà dal Urnerboden vegnids tschiffads da la lavina – quai var 200 meters davant il culm. In da quels autos è vegnì tratgs da quai da 100 meters cun la lavina. Ils dus passagiers èn vegnids blessads e manads dal servetsch da salvament en l'ospital chantunal da l'Uri. L'ulteriur auto è glischnà levamain davent da la via. Era en quest auto sa chattavan duas persunas. La cunautista è vegnida blessada e sgulada cun il helicopter en in ospital ordaifer il chantun Uri. Tut las trais persunas èn ord privel da vita. Quai scriva la Polizia chantunala da l'Uri.
La lavina ha cuvrì la via sin ina lunghezza da 100 meters cun naiv. Il pass resta per il mument serrà.
RR novitads 17:00