Las tariffas da medis restan fin il 2017

Il sistem da tariffas da medis «Tarmed» resta fin la fin dal 2017. Quai ha ditg Cusseglier federal Alain Berset en il Cussegl dals chantuns.

In medi controllescha ils resultats.

Legenda da maletgs: Las tariffas da medis restan fin il 2017. Keystone

Il sistem da tariffas da medis Tarmed na duai betg sa midar fin la fin dal 2017. Quai ha cusseglier federal Alain Berset ditg en il cussegl dals chantuns. Per il 2018 veglia el dentant chattar ina nova soluziun cun ils partenaris da tariffa. Cun il sistem da Tarmed vegnan prestaziuns ambulantas indemnisadas.

Tenor experts da sanadad na correspunda il sistem da tariffas betg pli als custs existents. Ils svilups tecnics pussibiliteschian uss ch’intginas prestaziuns pudessan vegnir fatgas pli bunmartgadas che anc pli baud. Era prestaziuns novas n'èn per part anc betg resguardadas endretg en la tariffa.

RR novitads 12:00