Siglir tar il cuntegn
Inhalt

Svizra Las staziuns da viafier han da reducir barrieras

L’uffizi federal da traffic pretenda ulteriuras mesiras per che las staziuns pon era vegnir duvradas da persunas cun impediments. Uschiglio na pon las finamiras da la lescha davart l'egualitad da persunas cun impediments betg vegnir cuntanschidas enfin la fin dal 2023.

Um en sutga da rodas banduna in tren.
Legenda: Enfin la fin dal 2023 ston tut las staziuns esser accessiblas senza barrieras. Keystone

Quella pretenda che las persunas cun impediments pon far diever dal traffic public senza barrieras. Tranter auter stoppia vegnir definì, tgeninas staziuns ch'han da vegnir renovadas e tar tgeninas che bastan mesiras pli simplas sco per exempel l'agid dal persunal.

Mo 35% da las staziuns èn senza barrieras

Fin la fin dal 2016 eran pir 35% da las 1’800 staziuns svizras confurmas a la lescha davart l'egualitad da persunas cun impediments. Cun quai che surtut las staziuns grondas han gia fatg ils midaments necessaris, profiteschian radund 64% da las passagieras ed ils passagiers gia uss dals midaments.

Viafier retica pronta enfin 2023

Sin buna via è la Viafier retica. Sco quai che Yvonne Dünser, la pledadra da la Retia ha ditg al Radio Rumantsch, sajan els optimistics da pudair porscher tar tut las 103 staziuns e fermadas ina schliaziun adequata per las persunas cun impediments.

RR actualitad 17:20