Siglir tar il cuntegn
Inhalt

Svizra Las scolas s’emplainan puspè

Il dumber dals uffants en scoletta ed en scola vegn a crescher ils proxims 10 onns marcant.

In suler d'ina scola.
Legenda: Tenor las novas cifras da statistica datti puspè dapli vita en ils sulers da las scolas svizras. Keystone

Suenter ch’il dumber d’uffants en las scolas obligatoricas era sa reducì ils davos 10 onns per 7%, duai la situaziun sa midar marcantamain, sco l’Uffizi federal da statistica scriva. En tut vegnia il dumber da scolaras e scolars en scola obligatorica a crescher per 13%. Sulet en scola primara vegn il dumber da scolars a crescher per 16%.

Cun quest creschament dal dumber d’uffants en scoletta e scola pon ins era quintar cun dapli emprendists, sco l’Uffizi federal da statistica scriva. Quest augment vegn dentant a sa mussar pir davent dal 2019.

RR Novitads 16:00