Siglir tar il cuntegn

Header

cuntegn

Svizra Las reservas da devisas svizras creschan ad in crescher

Il mais d'avrigl èn las reservas da devisas da la Banca naziunala svizra creschidas marcantamain per 12,6 milliardas francs sin 695,9 milliardas francs.

La Banca naziunala svizra ha preschentà questas cifras sin sia pagina d'internet. Ils ultims mais èn las reservas adina puspè creschidas marcantamain. Il mars per 15 milliardas ed il favrer schizunt per 24,3 milliardas francs.

Intervenziuns dals survegliaders?

Schebain, ed en tge maniera ch'ils survegliaders monetars han intervegnì al martgà da devisas n'è betg d'eruir ord las cifras publitgadas. Il svilup da las pli impurtantas munaidas estras envers il franc svizzer è dentant in dals motivs principals per quest augment. Entant ch'il dollar american è vegnì pli flaivel han l'Euro e la glivra mess tiers envers il franc.

RR novitads 11:00

Artitgels legids il pli savens