Las pajas da schefs d'interpresas pitschnas e mesaunas ch'èn quotadas a la bursa èn creschidas marcantamain ils ultims onns. Tar interpresas mesaunas ha il schef gudagnà l'onn passà stgars in 5avel dapli ch'anc il 2007.
En media ha in manager uschia survegnì 3,4 miliuns francs per onn. Quai resulta d'in studi da la firma da cussegliaziun economica «PricewaterhouseCoopers».
Tar concerns gronds perencunter è la paja media sa reducida ils ultims 8 onns da 8,1 milliuns sin 7,5 milliuns francs.
Pervi da la crisa da finanzas eran las pajas da managers sa reducidas marcantamain suenter il 2007.
