Siglir tar il cuntegn

Header

cuntegn

Svizra Las finanzas èn ussa en mauns dal cusseglier federal Ueli Maurer

Las stgatlas èn pachetadas en il biro da la cussegliera federala Eveline Widmer-Schlumpf. Suenter 8 onns piglia ella cumià da la politica naziunala en chasa federala a Berna. 8 onns che n’èn betg stads simpels e tuttina era ella entamez ed ha mess en moviment ina massa.

La cussegliera federala partenta Eveline Widmer-Schlumpf ha surdà il departament federal da finanzas al cusseglier federal Ueli Maurer. El ha survegnì simbolicamain 4 clavs e l'ovra «Geld und Geist» da Jeremias Gotthelf.

audio
Mezdi: Intervista cun la cussegliera federala partenta E. Widmer Schlumpf
ord Actualitad dals 23.12.2015.
laschar ir. Durada: 27 minutas 37 Secundas.

Maurer surpiglia l'uffizi l'entschatta da l'auter onn. Il mument maina Maurer anc il departament federal da defensiun, protecziun da la populaziun e sport. Il nov elegì cusseglier federal Guy Parmelin surpiglia lura quest departament da Maurer.

Widmer-Schlumpf: «Il sistem politic vegn malduvrà adina pli savens»

Eveline Widmer-Schlumpf punctuescha en l'intervista cun RTR, ch'ella saja in vair fan dal sistem politic svizzer. E tuttina: precis quest sistem saja fragil ed i vegnia fatg maldiever dad el pli e pli savens, admonescha Eveline Widmer-Schlumpf.

RR Actualitad mezdi 11:00

Artitgels legids il pli savens