Siglir tar il cuntegn

Header

Navigaziun

Il president da la banca naziunala e la ministra da finanzas.
Legenda: Tenor il president da la Banca naziunala Thomas Jordan na spetga el naginas influenzas negativas per las bancas. Keystone
cuntegn

Svizra Las bancas relevantas per il sistem ston avair dapli meds agens

En futur na duai la Confederaziun betg pli esser sfurzada da liberar bancas relevantas per il sistem, perquai auza il Cussegl federal las pretensiuns.

Il Cussegl federal vul engrevgiar las pretensiun per ils agens meds da las bancas grondas ch'èn relevantas per il sistem. Uschia duai vegnir evità ch'il stadi sto intervegnir en ina crisa da finanzas. La quota d'agen chapital tar las bancas grondas, la uschè numnada «Leverage Ratio», duai vegnir auzada da 3,1% sin 5%.

Bancas beneventan prescripziuns pli severas

La banca naziunala svizra e la Credit Suisse beneventan las perscripziuns pli severas dal Cussegl federal per las bancas relevantas per il sistem.

La CS ha fatg allusiun a sia nova strategia ed a l'augment dal chapital ch'ella ha annunzià ier. La banca naziunala ch'è sezza stada represchentada en la gruppa da lavur correspundenta vesa qua tras in pass decisiv per schliar la problematica "Too-big-to-Fail".

La UBS n'ha fin ussa betg prendì posiziun davart las novas regulaziuns che duain evitar ch'il stadi stoppia intervegnir tar ina crisa da finanzas.

RR novitads 20:00