L’iniziativa porta il num «Per in congedi da paternitad raschunaivel – per il niz da l’entira famiglia». Proponids vegnan 20 dis da vacanzas per babs suenter la naschientscha da lur uffants.
Reparter flexibel ils 20 dis
Tenor ils iniziants pudess il bab uschia sustegnair meglier mamma ed uffant(s), surpigliar il pensum d’endisar l’uffant a la canorta e gidar en il tegnairchasa. Uschia pudess in bab per exempel restar a chasa durant duas emnas suenter la naschientscha, e silsuenter reducir il pensum per 20 pertschient durant 10 emnas.
Dapli dal tema
La chanzlia federala ha examinà il text da l’iniziativa e publitgà quel. Uschia pon ils iniziants cumenzar a rimnar las suttascripziuns ed han peda per quai fin il november 2017. Lantschà l'iniziativa han Travail.Suisse, las organisaziuns tetgalas d’umens e dunnas sco er Pro Familia.
RR novitads 11:00