Siglir tar il cuntegn

Svizra Lain enstagl dad ieli e charvun

Etanol or da lain da fau, betun cun en splanadira da lain, ina nova protecziun cunter la plievgia per construcziuns da lain ubain er lain empè da charvun en ils labors da chemia organica – tut quai èn scuvertas da scienziads en il rom d'in project da perscrutaziun dal Fond naziunal svizzer.

Legende: Video Laina enstagl dad ieli e charvun abspielen. Laufzeit 01:00 Minuten.
Or da Actualitad video dals 07.11.2017.

Sco material per stgaudar pigna, construir mobiglias ma er sin il bajetg è lain dals guauds svizzers bain enconuschent. Tenor las perscrutaziuns da scienziads da diversas instituziuns è però anc bler dapli pussaivel.

Tranter il pinar laina en il guaud e l'elavuraziun en scrinaria u sin il bajetg vesan els anc bler potenzial per la resursa lain. Quai cunzunt en il svilup da products da lain existents, p. ex. cun meglierar la resistenza cunter la plievgia. Er novas cumbinaziuns sco p. ex. in betun cun splanadira da lain empè da sablun empermetta bler. U anc in'autra varianta ch'in team da perscrutaders ha chattà: in nov process per far or da lain da fau, etanol che po vegnir duvrà enstagl da benzin.

RR novitads 12:00

Il project «Resursa lain»

En il rom d'in project da perscrutaziun dal Fond naziunal svizzer han scienziads da diversas instituziuns sviluppà durant tschintg onns diversas propostas, co meglierar il niz da lain. Ensemen cun passa 200 persunas dal fatg da differentas branschas sco er da l'industria han els elavurà projects concrets per novs products ed innovaziuns cun lain.