Siglir tar il cuntegn
Inhalt

Svizra LafargeHolcim grazia a venditas en la zona da gudogn

En l’emprim quartal da quest onn ha il pli grond concern da cement dal mund Lafarge Holcim fatg in gudogn da 226 milliuns francs. Quai suenter ch’il concern svizzer-franzos aveva l’emprim quartal da l’onn passà anc fatg ina perdita da 107 milliuns francs.

La vendita da las fatschentas en il Vietnam han purtà 339 milliun francs en la cassa da l’interpresa LafargeHolcim, communitgescha l’interpresa. Questa vendita ha era contribuì al gudogn da l’interpresa.

Ils pretschs per cement creschan

Il schef da concern Eric Olsen è sa mussà optimistic per quest onn. Uschia saja l’interpresa partida optimal en il 2017 quai suenter las sperditas dal 2016, ha ditg Olson. Uss saja la vendita da cement stabila ed ils pretschs per cement sajan vida crescher, ha accentuà Olsen.

Olsen sa retira

Anc fin ils 15 da fanadur vegn Eric Olsen a manar LafargeHolcim alura sa retira el suenter dus onns a la testa dal gigant da cement. Surtut las investigaziuns internas sur da las fatschentas en Siria han manà per questa demissiun. Concret na vegn nagut rinfatschà ad Olsen ma tenor sias indicaziuns vul el purtar cun quest pass dapli ruaus en l’interpresa.

RR novitads 08:00