La vita è vegnida pli bunmartgada en Svizra

Era il december è la vita en Svizra vegnida pli bunmartgada. Ils pretschs èn sa reducids l'ultim mais da l'onn 2015 per 0,4 % cumpareglià cun il november.

Plirs products en ina stizun.

Legenda da maletgs: Victualias èn vegnidas il december pli bunmartgadas. Keystone

L’Uffizi federal da statistica communitgescha che la chareschia saja sa reducida cunzunt pervi dals products d’ieli fitg bunmartgads ma er pervi dals bass pretschs da victualias e viadis pauschals. Er pli bunmartgà eran vestgadira, chalzers e ils custs d’abitar èn sa reducids. La media annuala da la chareschia munta a 1,1%.

Dapli han ins dentant stuì pajar per sgols, hotels, urden da chasa ma er per mangiar en restaurants. Total vegnan products da la Svizra per 0,1% pli bunmartgads, products d’import per 1,2% pli bunmartgads en cumparegliaziun cun il november.

RR novitads 12:00