Siglir tar il cuntegn

Header

cuntegn

Svizra La vendita da cudeschs è sa sminuida il 2016 per 4,2%

Il trend cuntinuescha uschia gia dapi 10 onns. Dapi il 2007 è il commerci sa sminuì per 23%.

Il resultat schlet da vendita saja la consequenza dal pretsch stabil tar pli paucs cudeschs vendids, scriva l'associaziun svizra dals librarists ed editurs (SBVV). Il curs dal franc ferm na fetschia n'er na pli simpel la situaziun, damai ch'il martgà svizzer saja fitg collià cun las regiuns da l'Euro.

Fitg gronda saja la sminuziun tar cudeschs da giaglioffa (-10,3%) e cudeschs auditivs (-6,9%). La vendita da cudeschs liads resta relativamain stabil (-3,8%). In pau s'augmentada è la vendita da cudeschs d'uffants e da giuvenils (+0,9%).

Ils pretschs per cudeschs èn restads stabils. En la media custa in cudesch 20,25 francs. L'onn 2015 eran quai anc 19,85 francs. Dentant èn ils cudeschs gia vegnids bler pli bunmartgads grazia al curs da l'Euro. Il 2008 è la media anc stada rodund 20% pli auta.

Artitgels legids il pli savens