La vart stgira da la revoluziun digitala

Pervi da la digitalisaziun sto la Svizra quintar da perder tschientmillis da plazzas.

In roboter da labor.

Legenda da maletgs: La Svizra sviluppescha era indrizs automatics che remplazzan persunas, qua in roboter da labor. Keystone

Cassiers dal commerzi en detagl, emploiads mercantils, contabilists, mazlers, persunal da retschaviment, emploiads da posta e laborants, tut quels mastergns èn periclitads. Quai resorta d'in studi da l'universitad Oxford, sco la gasetta «NZZ am Sonntag» rapporta.

Tut quels mastergns vegnan en il futur automatisads, quai cun ina probabilitad da passa 90%. I duai dentant era dar novas plazzas, cunzunt per incumbensas ch’èn fitg cumplexas e na pon uschia betg vegnir automatisadas. Alura restan tenor il studi era plazzas che basegnan contacts persunals e cumpetenza sociala.

RR Novitads 12:00