Siglir tar il cuntegn

Header

Navigaziun

La via serrada a Bristen.
Legenda: L'access en il vitg da Bristen resta il mument serrà, quant ditg n'è il mument anc betg cler. Keystone
cuntegn

Svizra La Val Maderana è il mument isolada dal rest dal mund

La via tranter Amsteg e Bristen en la Val Maderana chantun Uri resta serrada per pliras emnas suenter ch'ina bova ha destruì la via en la val. Ils 450 abitants da Bristen èn isolads dal rest dal mund. Per els vegn construì ina colliaziun d'urgenza.

Ad ina conferenza da medias ha il directur da traffic dal chantun Uri ditg ch'ins saja vegnì surprendì che la via saja sbuvada, ma il pli impurtant saja che naginas persunas hajan patì donn. Trais persunas aveva ils pumpiers dentant stuì liberar ord lur autos bloccads. Il mument vegn examinà daco che la via e sbuvada.

Tenor las emprimas retschertgas sa tracta quai d’in eveniment local che ha sco motiv las grondas midadas da temperaturas e da l’aura ils ultims dis, han ditg ils responsabels dal chantun Uri.

RR novitads 18:00