Siglir tar il cuntegn

Header

cuntegn

Svizra La UBS sa cunvegna cun autoritads americanas e paja 342 milliuns

La banca UBS sto danovamain pajar chastis da milliuns pervi dals scandals da manipulaziuns da devisas e tschains. Ulteriuras 5 bancas vegnan era sancziunadas.

L'UBS è sa cunvegnida cun las autoritads americanas, e paja in chastì da 342 milliuns dollars pervi da manipulaziuns da devisas. Ultra da quai sto la UBS pajar 203 milliuns dollars pervi d’ina seria da manipulaziuns dal tschains da referenza libor.

Cunvegna per mitschar plant penal

Il medem temp mitscha l'UBS però dad in plant penal, ed ella cuntanscha ina immunitad limitada dad ulteriuras inquisiziuns penalas. Suenter che la UBS ha annunzià la cunvegna cun las autoritads americanas, è l’aczia da la banca svizra stada dumandada.

Chasti da 6 milliardas dollars cunter 6 bancas

Sper la UBS ston 5 ulteriuras bancas grondas pajar chastis, perquai ch'ellas duain avair manipulà ils curs da stgomi. Quai è tenor il departament da giustia american

  • JP Morgan
  • CitiGroup
  • Barclays
  • Royal Banc of Scotland
  • Bank of America

RR Novitads 08:00

Artitgels legids il pli savens