Siglir tar il cuntegn
Inhalt

Svizra La tendenza a l'augment resta

La branscha da construcziun è creschida er il 2017, dentant pli pauc ferm che l'onn avant.

In plazzal da chasas da pliras famiglias.
Legenda: Er il 2017 ha la branscha da construcziun pudì augmentar la svieuta. Keystone

En Svizra è la branscha da construcziun creschida l'onn passà. L'industria da construcziun ha registrà ina svieuta da 20,8 milliardas francs - quai è 4,1 pertschient dapli che l'onn avant. Il 2016 aveva la rata da creschientscha però anc muntà ad 8,7%.

Bun quartal final grazia ad aura sitga

Er l'ultim quartal dal 2017 ha la branscha pudì augmentar la svieuta per 4% – cumpareglià cun la medema perioda da l'onn avant. La conjunctura da bajegiar è en quel temps surtut vegnida influenzada positivamain da l'aura sitga.

Er sche las entradas d'incumbensas èn idas enavos per 4,9% l'ultim quartal dal 2017, quintan ils impressaris svizzers che las svieutas restian stabilas durant l'emprim quartal da quest onn. A media vista creschian però ils ristgs en il sectur da bajegiar abitaziuns. Quel pudess sfradentar en il decurs dal 2018.

RR novitads 15:00