Siglir tar il cuntegn
cuntegn

Svizra La Svizra ha adina dapli multimilliunaris

Il 2010 han anc stgars 10'500 persunas pajà taglia per passa 10 milliuns francs. Trais onns pli tard eran quai gia prest 2800 dapli. Quai resulta da las novas cifras da l'administraziun da taglia federala.

Purtret d'intginas notas da milli
Legenda: Ils multimilliunaris en Svizra pajan in terz da las taglias en il pajais. Keystone

Ensemen possedan questas persunas prest in terz da l'entira facultad da la Svizra. Quai cun 485 milliardas francs. L'onn 2010 era quai anc stgars in quart da la facultad svizra.

Il chantun cun ils pli blers multimilliunaris è Turitg cun 3'431 persunas. Quai suondan lura Genevra e Schwyz cun 1'288 respectiv 1'112 persunas che han dapli che 10 milliuns francs.

Il chantun cun prozentualmain ils pli blers milliunaris ha il chantun Schwyz cun 1,17% da tut quels che pajan taglia. Zug è il segund cun 0,97% e Sutsilvania è il terz cun 0,86%. Ils pli paucs multimilliunaris han il Vallais (0,06%) e Friburg (0,08%)

RR novitads 18:00