Siglir tar il cuntegn

Header

Ina bandiera da la Svizra e da l'autra vart ina da l'UE.
Legenda: Las contractivas tranter l'UE e la Svizra na chattan betg in cumpromiss. Keystone
cuntegn

Svizra La Svizra e l’Uniun europeica na vegnan betg propi vinavant

La Svizra e l'Uniun europeica negozieschan dapi 18 mais co ina realisaziun da l'iniziativa d’immigraziun da massa pudess vegnir realisada. L’UE ha uss para infurmà ils commembers sur las contractivas. I dettia anc pliras divergenzas.

L’impurtant:

  • La proposta da la cumissiun da stadi dal Cussegl naziunal da realisar ina «favurisaziun d’indigens light» na chatta betg propi adherents a Brüssel.
  • L’UE vuless realisar la migraziun cun ina cunvegna da basa instituziunalisada. Il Cussegl federal refusa ina tala.
  • Ina cunvegnientscha n’è il mument betg realistica.

La mesemna vegnan ils ambassadurs dals stadis commembers da l’UE a s’inscuntrar en ina sesida secreta. Il tema vegn ad esser las contractivas da la cumissiun da l’UE cun la Svizra davart l’immigraziun. En in document confidà ha la cumissiun uss infurmà gia sur da las contractivas. Sco SRF scriva èn els en possess da quest document. La conclusiun è ch’èn ils puncts centrals na vegn quai betg tar ina cunvegnientscha.

Il Cussegl federal è cunter derschaders esters

Era tematisà duai vegnir la proposta da la cumissiun da stadi dal Cussegl naziunal fatga l’entschatta da settember. «L’UE tractia en quest document secret explicit questa proposta», ha conferma in correspundent da SRF. Ord vista da l’Uniun europeica dovra quai ina cunvegna da basa instituziunala per che betg il Cussegl federal haja la cumpetenza da decider ma la finala in derschader da l’UE. E quai na vul il Cussegl federal betg.

Ina cunvegna è dalunsch davent

Era autras ideas per realisar l’iniziativa èn para vegnidas discutadas sco per exempel ina clausula da protecziun, sco il Cussegl federal aveva proponì.

Suenter bunamain dus mais vegnan proxim glindesdi il president da la Confederaziun Johann Schneider-Ammann e Jean-Claude Juncker a s’inscuntrar per discurs a Turitg.

RR novitads 16:00