Siglir tar il cuntegn

Header

cuntegn

Svizra La Svizra - commembra activa da l'ONU

La Svizra è ina partenaria innovativa, fidaivla e segira da sasezza. Quai ha ditg il cusseglier federal Didier Burkhalter sur da la Svizra, a la conferenza dad ambassadurs a Genevra.

La Svizra vegnia a render anc pli cler ses profil per l'agid umanitar, ils dretgs umans ed il cumbat da la povradad. Sco quai ch'il Departament federal d'affars exteriurs scriva, suttastritgia Genevra sco lieu da la conferenza la rolla da la Svizra sco commember innovativ activ da las Naziuns Unidas.

La conferenza d'ambassadurs e da rait exteriura

A la conferenza da 4 dis èn preschents 320 represchentants da la Svizra. La conferenza ha lieu el Palais des Nations, la sedia principala da l'ONU a Genevra. Ils emprims dus dis èn deditgads a discurs da podium e workshops pertuccont temas da la politica da l'exteriur. Il mardis vegnan il president da la confederaziun, Johann Schneider-Amman, las cusseglieras federalas Doris Leuthard e Simonetta Sommaruga sco era il cusseglier federal Alain Berset ed il chanzelier federal Walter Thurnherr a sa drizzar als ambassadurs.

Artitgels legids il pli savens