Siglir tar il cuntegn

Header

Navigaziun

Purtret d'ina dunna che montescha l'aissa.
Legenda: Questa fin d'emna pon ins montar en intgins lieus ils skis e las aissas. Keystone
cuntegn

Svizra La stagiun da skis cumenza

Sco quai che l'agentura da novitads svizra scriva avran ils territoris da skis d'Arosa/Lai e Laax singulas pistas questa fin d'emna.

Sper il Grischun duain differents territoris en il Vallais ed en il Son Gagl er avrir questa fin d'emna. Auters territoris vulan suandar pir la proxima fin d'emna. Quai per exempel l'Arena da Skis Andermatt-Sedrun, Tavau/Claustra ed Elsigen-Metsch en il chantun Berna.

Gia avertas èn tenor Svizra turissem las pistas en ils territoris da Glacier 3000 (VD), Diavolezza e Verbier.

Grond privel da lavinas

L'aura para da procurar per ina bun'entschatta da la stagiun. Enfin sonda avantmezdi duai star cuvert e purtar blera naiv en differentas regiuns, scriva l'institut federal per la perscrutaziun da naiv e lavinas. Quel avertescha entant er da privel da lavinas. I duai dar en las Alps 20 enfin 50 centimeters naiv. Tgi che planisescha dad ir giu da las pistas duai perquai s'infurmar davantvart dal privel.

RR novitads 11:00