Siglir tar il cuntegn
cuntegn

Svizra La SRG SSR sto spargnar

Anc quest onn sto l'SRG SSR spargnar 20 milliuns francs.

La sedia principala da SRG SSR
Legenda: Per las unitads da l'SRG SSR hai num spargnar 20 milliuns francs. reuters

La SRG SSR sto spargnar. Il budget da la direcziun generala e da las 5 unitads en Svizra vegn anc quest onn reduci per 20 milliuns francs.

Tenor il pledader da l’SRG SSR - Daniel Steiner - sto la direcziun generala da la SRG SSR spargnar 5 milliuns francs e Radiotelevisiun Svizra Tudestga SRF 6,6 milliuns francs. L'interpresa Radiotelevisiun Svizra Franzosa RTS sto spargnar 6 milliuns francs, e Radiotelevisiun da la Svizra Taliana 3,2 milliuns francs.

Era las ulteriuras unitads da l'SRG SSR, Radiotelevisiun Svizra Rumantscha e SwissInfo stoppian spargnar. Il motiv è la situaziun economica malsegira, uschia possian vegnir regenerà damain daners da reclama, ha communitgà l’SRG SSR.

RR novitads 21:00