Siglir tar il cuntegn

Header

La Banca naziunala svizra.
Legenda: Per flaivlentar il franc ha la SNB dà or passa 86 milliardas francs. Keystone
cuntegn

Svizra La SNB ha stabilisà il franc cun 86 milliardas

La Banca naziunala svizra ha l'onn passà intervegnì massivamain sin il martgà da devisas. Quai cun l’intenziun da flaivlentar il franc svizzer per che gliez è damain attractiv per investiders.

En tut haja ella cumprà il 2015 devisas en la valita da passa 86,1 milliardas francs, communitgescha la Banca naziunala svizra en ses rapport annual. La pli gronda part da las cumpras da devisas sajan succedidas il schaner 2015.

Lura aveva la Banca naziunala numnadamain abolì il curs minimal da l'euro dad 1,20 francs. Per il schef da la SNB, Thomas Jordan, è il franc però anc adina survalità.

Las reservas monetaras da la SNB èn s'augmentadas entaifer l'onn passà per 61 sin 603 milliardas francs. Las reservas da devisas muntan a 561 milliardas francs. Quai è in plus da 66 milliardas francs cumpareglià cun l'onn passà.

RR novitads 10:00