Siglir tar il cuntegn

Header

cuntegn

Svizra La SBB vul segirar pli fitg transports da chlor

Ils trens duain charrar pli plaun e las rutas dals transports vegnir pli curtas. Ultra da quai duain adina ils megliers trens dischponibels da las Viafiers federalas transportar chlor.

Per contonscher ina tala finamira han las Viafiers federalas suttascrit ina decleraziun ensemen cun differentas uniuns da la branscha da farmazia, uniuns economicas e l'uffici federalas da traffic e d'ambient. Enfin il 2018 han els peda da metter enturn las mesiras per megliurar la segirezza per ils transports da chlor.

Disturbis tar transports èn betg probabels

La probabilitad d'in disturbi duront in transport da chlor e fitg pitschna. Sch'i dat dentant, saja cas fitg privlus. Las consequenzas ch'il chlor po chaschunar èn considerablas. Las mesiras duain perquai sminuir il privel sin diesch giadas pli pauc. Tranter auter vegnan era discutads novs chars da transport pli segirs.

Pertutgada è en emprima lingia la regiun enturn il Lai da Genevra. Gia uss lain las Viafiers federalas ir tals trens mo cun spertadad reducida tras l'aglomeraziun da Genevra e Losanna.

RR novitads 14:00

Artitgels legids il pli savens