Siglir tar il cuntegn

Header

cuntegn

Svizra La SBB mantegna sezza ils trens da la NEAT

Las Viafiers federalas svizras SBB vulan mantegnair sezzas ils trens novs sin la lingia da la NEAT-Gottard che vegnan en funcziun a partir dal 2019.

Oriundamain eri planisà da surdar questa incumbensa al producent dals trens, Stadler Rail. Suenter avair examinà tut las opziuns, haja la SBB decidì da mantegnair ils trens novs en ils agens manaschis. Quai communitgescha la SBB. Ella stoppia restar capabla da concurrer pertutgant ils mantegniment dals trens. Schebain la dumonda dals custs ha era gì in'influenza sin questa decisiun, n'è betg enconuschent.

Stadler Rail deplorescha decisiun

Stadler Rail deploreschia la decisiun da la SBB, sco ina pledadra ha ditg. Il sindicat dal persunal da traffic sa mussa dentant levigà.

La SBB mantegna per gronda part sezza ses trens e dispona da plirs lieus da mantegniment, ils pli gronds sa chattan ad Olten ed Yverdon-les-Bains. Nua ch’ils trens dal Gottard vegnan mantegnids, n’ha la SBB anc betg decidì.

RR novitads 14:00

Artitgels legids il pli savens