Siglir tar il cuntegn

Header

Navigaziun

Ina dunna veglia che sesa suletta vid ina maisa e baiva in glas aua.
Legenda: Las rentas da vaivas duain vegnir scursanidas dad 80% sin 60%. Keystone
cuntegn

Svizra La renta da vaivas vegn scursanida

Per distgargiar l'AVS ha il Cussegl naziunal decidì da scursanir la renta per vaivas. Cunquai che bleras dunnas lavurian n'hajan ellas betg pli da basegn d'ina renta da vaivas, uschia l'argument.

Dunnas sur 45 onns na duain betg pli survegnir automaticamain ina renta da vaivas. Tenor il Cussegl naziunal duai dar la renta da vaivas sulet anc per dunnas che han uffants minorens, uffants che dovran tgira u uffants ch'èn anc en scolaziun. Vitiers vegn la renta per vaivas reducida da 80 sin 60% d'ina renta da vegliadetgna. La renta d'orfens duai perencunter vegnir auzada da 40% sin 50%.

Cun questa decisiun suonda il Cussegl naziunal la decisiun dal Cussegl federal. Il Cussegl naziunal va dentant anc pli lunsch. El ha decidì d'er scursanir la renta da vaivs spartids. Plinavant duai la renta er uffants per geniturs en pensiun vegnir dismessa.