Siglir tar il cuntegn

Header

cuntegn

Svizra La regiun da Locarno n’ha il mument betg aua da baiver

En la regiun tessinaisa enturn la citad da Locarno han circa 5’000 persunas nagin access ad aua da baiver schubra. Il motiv è in implant da distribuziun da l’aua ch’è vegnì contaminà cun vapurs da benzin. Quai munta nagina aua da baiver, da cuschinar ni da sa lavar probabel fin la fin l'emna.

Pliras persunas spetgan dasper in camiun cun aua schubra.
Legenda: En il vitg da Gerra Piano dasper Locarno spetgan pliras persunas sin l'aua schubra. RSI

Probabel po l’aua da la spina puspè vegnir bavida e nizzegiada per cuschinar a partir da venderdi proxim. Quai ha la protecziun civila da Locarno e la Vallemaggia ordinà.

Para duai in implant da distribuziun da l’aua esser contaniminà cun benzin. In generatur duai avair pumpà las vapurs da benzin tras il sistem da ventilaziun en l’implant da distribuziun da l’aua. Quella sa chattà en las muntognas sur ils vitgs pertutgads.

Aua na po betg vegnir buglida si e nizzegiada

Tar la polluziun sa tractia quai d’ina polluziun chemica, quai che vul dir che l’aua na po era betg vegnir nizzegiada cura ch’ella è vegnida buglida si. Perquai èn vegnids plazzads en ils vitgs da Cugnasco, Gerra Piano, Lavertezzo Piano e Riazzino grondas cisternas d’aua ed ì vegn era repartì buttiglias d’aua.

RR novitads 15:00

Artitgels legids il pli savens