Siglir tar il cuntegn
Inhalt

Svizra La regenza dal Tessin vul elavurar il cas da corrupziun

La regenza chantunala dal Tessin vul laschar far ina audiziun interna per sclerir dal tut il cas da corrupziun en l'uffizi da migraziun dal Tessin.

Norman Gobbi ed in auter um avant la bandiera dal Tessin.
Legenda: Sclerir il cas: Il directur da segirezza Norman Gobbi infurmescha tar la cunferenza da pressa. Keystone

Il cas da corrupziun en l'uffizi da migraziun dal Tessin duai vegnir sclerì cumplettamain. Perquai vul la regenza laschar far in'audiziun interna. Quai ha ella communitgà ad ina conferenza da medias.

Vitiers vegni fundada ina gruppa da lavur per pudair proteger meglier spartas potenzialmain sensiblas en l'administraziun tessinaisa, uschia il president dal cussegl guvernativ Paolo Beltraminelli (PCD). Uschia duess er vegnì examinà, sche la controlla da finanzas interna duess survegnir dapli cumpetenzas.

Il directur da segirezza dal Tessin ha dentant exprimì anc ina giada sia trumpada e sia gritta sur da la situaziun. El veglia far tut per sclerir il cas:

Quai è ina perdita da la confidenza per l'entira administraziun chantunala.
Autur: Norman GobbiLega Tessin

Dapi l'emna passada èn vegnidas arrestadas en tut otg persunas en connex cun il cas da corrupziun. Duas persunas èn entant puspè libras. Ellas vegnan accusadas dad avair violà il secret d'uffizi.

RR novitads 14:00