Siglir tar il cuntegn

Header

cuntegn

Svizra La quota da fimaders sa sbassa memia plaun

I vegnia bain fimà pli pauc - per l'organisaziun mundiala da la sanadad, WHO na va il dumber da fimaders dentant betg enavos uschè svelt sco planisà.

Sin l'entir mund fimian radund 1,1 milliardas persunas. La finamira da sbassar il dumber dal 2010 fin il 2025 per 30% na possia uschia betg vegnir cuntanschida, declera la WHO en ses rapport da tubac. En blers pajais na saja quai betg conscient a la glieud quant nuschaivel che fimar è. Tenor l'organisaziun morian tenor stimaziuns bun trais milliuns carstgauns pervia da malsognas chaschunadas dal consum da tubac.

La Svizra n'ha nagina quota exemplarica

Er en Svizra na sajan ins betg uschè lunsch sco planisà. La quota da fimaders vegnia er il 2025 ad esser sur 30%, quai tenor stimaziuns da la WHO. Plinavant crititgescha ella las differenzas chantunalas pervi da scumonds da fimar e las cundiziuns per la reclama da tubac.

RR novitads 06:00

Artitgels legids il pli savens