Siglir tar il cuntegn

Svizra La PS metta las rentas en il center dal cumbat electoral

La Partida socialdemocrata vesa las elecziuns naziunalas da l’atun sco tscherna tranter 2 visiuns per la Svizra.

Il president da la PS Christian Levrat.
Legenda: Il mardi ha Christian Levrat preschentà ils temas da la PS per il cumbat electoral. Keystone

Ina saja la visiun d’ina Svizra da tema e d’isolaziun, l’autra ina d’ina Svizra da fidanza en sasez e d’avertura, ha ditg Christian Levrat avant las medias a Berna. L’emprima visiun na saja betg quella da la PS.

Ils temas dal cumbat electoral

Ils socialdemocrats veglian s’engaschar el cumbat electoral per ina refurma da las rentas. Ulteriurs temas èn tenor Levrat il squitsch sin lavurers pli vegls sin il martgà da lavur e la mancanza d’abitaziuns.

Sustegn per Widmer-Schlumpf

Ultra da quai vulan ils Socialdemocrats sustegnair la cussegliera federala Eveline Widmer-Schlumpf, cura ch’il Cussegl federal vegn elegì da nov il december, ha il president da la PS ditg.

RR Novitads 16:00