La finala è la decisiun stada piz a cup, il Cussegl dals chantuns ha refusà la moziun cun 20 cunter 19 vuschs tar 3 abstenziuns. La moziun è uschia liquidada. Il Cussegl naziunal vuleva incumbensar il Cussegl federal, tenor ses avis èn las limitas actualas memia restrictivas.
Gia ozendi limitas severas
Era blers cussegliers da la chombra pitschna eran da quest avis. La rait per telefonia mobila dovria ina svelta modernisaziun, han avertì ils adherents d’in augment da las limitas. Ina buna qualitad da la telefonia mobila saja impurtanta per che l’economia restia cumpatibla.
Prender serius las resalvas
Ils adversaris han argumentà ch’i regia ina gronda sceptica en la populaziun davart ils ristgs medicinals da las radiaziuns. Las consequenzas na sajan anc betg cleras ed uschia dovria ina decisiun en favur da la sanadad, ha argumentà la maioritad dal Cussegl dals chantuns.
RR novitads 15:00