Siglir tar il cuntegn
cuntegn

Svizra La Posta Svizra è la meglra dal mund

En cumparegliaziun cun 173 pajais ès ella puncto effizienza, sveltezza e qualitad da distribuziun sin l'emprim plaz.

Ina postina che piglia pachets ord in auto da la posta.
Legenda: La Posta svizra è la meglra dal mund. Keystone

L’uniun postala universala ha undrà La Posta Svizra per la segunda giada en seria. Cumpareglià cun 173 auters pajais è La Posta Svizra la pli effizienta, sperta ed ha la meglra distribuziun. Uschia haja La Posta Svizra retschavì en tut las spartas il dumber da puncts maximal.

Sin il segund plaz è l’Ollanda, suandà dal Giapun. La posta da la Germania vegn tenor questa rangaziun sin plaz 4, quella da la Frantscha sin plaz 5 e la posta da l'Austria sin plaz 10. Pir sin plaz 28 è la posta da l'Italia. Il studi da l'Uniun postala universala ha examinà tranter auter con fidaivla l'interpresa è e quant innovativs ch'ils servetschs postals èn.

RR novitads 09:00